સરકાર દ્વારા જાહેર કર્યા મુજબ 1 ઓગસ્ટ 2023 થી 5 કરોડ રૂપિયાથી વધુ ટર્નઓવર ધરાવતા ઉદ્યોગપતિઓએ ઇલેક્ટ્રોનિક ચલણ આપવા પડશે. આવી સ્થિતિમાં જીએસટીના દાયરામાં આવતા વેપારીઓએ સંબંધિત નિયમો વિશે વિગતવાર જાણીને ઈલેક્ટ્રોનિક ચલણ તૈયાર કરવું જરૂરી છે.

31 જુલાઈ ઈન્કમ ટેક્સ રિટર્ન ફાઈલ કરવાની છેલ્લી તારીખ હતી.  1 ઓગસ્ટથી આઈટીઆર ફાઈલ કરનારા લોકોએ દંડ ભરવો પડશે. જો 5 લાખ રૂપિયાથી વધુની આવક ધરાવતા લોકો આજે આઈટીઆર ફાઈલ કરશે તો તેઓને 1 રૂપિયાથી લઈને 5,000 રૂપિયા સુધીનો દંડ ભરવો પડી શકે છે.  ત્યારે સરકારે આવકવેરા રિટર્ન ભરવાની તારીખ લંબાવવાની કોઈ જાહેરાત કરી નથી.

રક્ષાબંધન, સ્વતંત્રતા દિવસ સહિતના વિવિધ તહેવારોને કારણે ઓગસ્ટમાં બેંકો 14 દિવસ બંધ રહેશે. આ રજાઓમાં શનિવાર અને રવિવારની સાપ્તાહિક રજાઓનો પણ સમાવેશ થાય છે. પરંતું 14 દિવસની રજાઓમાં બેંકોની ઓનલાઈન સેવાઓનો લાભ ગ્રાહકો લઈ શકશે. 

ઓગસ્ટમાં એલપીજી તેમજ કોમર્શિયલ સિલિન્ડરના ભાવમાં ફેરફાર થવાની સંભાવના છે. તેલ કંપનીઓ દર મહિનાની 1 અને 16 તારીખે એલપીજીના ભાવમાં ફેરફાર કરે છે. આ સિવાય પીએનજી અને સીએનજીના ભાવમાં પણ ફેરફાર થઈ શકે છે.

તેલ કંપનીઓ દર મહિનાની છેલ્લી તારીખે મધ્યરાત્રિએ પેટ્રોલ અને ડીઝલના ભાવ જાહેર કરે છે. આવી સ્થિતિમાં 1 ઓગસ્ટથી પેટ્રોલ અને ડીઝલના ભાવમાં પણ ફેરફાર થઈ શકે છે. તમને જણાવી દઈએ કે ગયા વર્ષની 21 મે થી દેશમાં પેટ્રોલ અને ડીઝલની કિંમતોમાં કોઈ ફેરફાર થયો નથી.