ભારતીય ટીમ વેસ્ટ ઈન્ડિઝ સામે બે મેચની ટેસ્ટ સીરિઝની છેલ્લી મેચ રમી રહી છે. આ મેચની બીજી ઈનિંગમાં જ્યારે ટીમ ઈન્ડિયા બેટિંગ કરવા ઉતરી ત્યારે એક મોટો રેકોર્ડ તુટી ગયો હતો. ટીમ ઈન્ડિયાના બેટ્સમેનોએ ટેસ્ટ ક્રિકેટના ઈતિહાસમાં સૌથી ઝડપી 100 રન બનાવવાનો રેકોર્ડ બનાવ્યો છે. જણાવી દઈએ કે ભારતે તેની બીજી ઇનિંગમાં ઝડપી સ્કોર બનાવ્યો છે. એટલે કે ભારતે 24 ઓવરમાં 181 રન બનાવ્યા. અંહિયા મહત્વની વાત એ છે કે ટીમ ઈન્ડિયાએ બીજી ઈનિંગમાં માત્ર 74 બોલમાં પોતાના 100 રન બનાવ્યા, આ કરીને ભારતે વર્લ્ડ રેકોર્ડ પણ બનાવ્યો.

ભારતીય ટીમ ટેસ્ટ ક્રિકેટના ઈતિહાસમાં સૌથી ઝડપી 100 રન બનાવનારી ટીમ બની ગઈ છે. આ કરીને ટીમ ઈન્ડિયાએ શ્રીલંકાનો રેકોર્ડ તોડ્યો. શ્રીલંકાએ ટેસ્ટમાં 80 બોલમાં 100 રન બનાવ્યા હતા. શ્રીલંકાએ બાંગ્લાદેશ સામે આવું કર્યું હતું.

ટેસ્ટ ક્રિકેટના ઈતિહાસમાં ટીમ દ્વારા સૌથી ઝડપી 100 રન
1. ભારત – 74 બોલમાં vs વેસ્ટ ઈન્ડિઝ (2023)
2. શ્રીલંકા – 80 બોલમાં vs BAN
3. ઈંગ્લેન્ડ – 81 બોલમાં vs સાઉથ આફ્રિકા
4. બાંગ્લાદેશ – 82 બોલમાં vs વેસ્ટ ઈન્ડિઝ
5. ઈંગ્લેન્ડ – 82 બોલમાં vs PAK

ટીમ ઈન્ડિયાએ બીજી ઈનિંગમાં ઝડપી બેટિંગ શરૂ કરી હતી
વેસ્ટ ઈન્ડિઝ સામેની બીજી ક્રિકેટ ટેસ્ટના ચોથા દિવસે, ભારતે બે વિકેટે 181 રન પર બીજી ઈનિંગ ડિકલેર કરી અને યજમાન ટીમને 365 રનનો ટાર્ગેટ આપ્યો. કેપ્ટન રોહિત શર્માએ 57 જ્યારે ઈશાન કિશને 52 રન બનાવ્યા હતા.  પ્રથમ દાવમાં ભારતીય ટીમે 438 રન બનાવ્યા હતા જેના જવાબમાં વેસ્ટ ઈન્ડિઝની ટીમ પ્રથમ દાવમાં માત્ર 255 રન જ બનાવી શકી હતી. ભારતીય ટીમને પ્રથમ દાવમાં કુલ 183 રનની લીડ મળી હતી. અહીંથી ટીમ ઈન્ડિયાએ બીજી ઈનિંગમાં મોટી લીડ લઈને શરૂઆતથી જ ઝડપી બેટિંગ શરૂ કરી હતી. ઓપનિંગ કરવા આવેલા રોહિત શર્માએ માત્ર 44 બોલમાં 57 રન ફટકાર્યા હતા. તે જ સમયે, યશસ્વી જયસ્વાલના બેટથી 30 બોલમાં 38 રન. જેના કારણે ભારતીય ટીમ માત્ર 12.2 ઓવર એટલે કે 72 બોલમાં પોતાના 100 રન પૂરા કરી શકી હતી. જે એક વર્લ્ડ રેકોર્ડ છે. 

ભારત તરફથી સિરાજે શાનદાર બોલિંગ કરી હતી અને 5 વિકેટ લેવામાં સફળ રહ્યો હતો.  ટેસ્ટમાં સિરાજની આ બીજી 5 વિકેટ છે. જણાવી દઈએ કે સિરાજ વેસ્ટ ઈન્ડિઝમાં ટેસ્ટ ક્રિકેટમાં 5 વિકેટ લેનાર ભારતનો 7મો બોલર બન્યો છે. સિરાજ પહેલા કપિલ દેવ, ઈશાંત શર્મા, ભુવનેશ્વર કુમાર અને બુમરાહ વેસ્ટ ઈન્ડિઝ સામે ટેસ્ટમાં આ કારનામું કરી ચુક્યા છે.