આપણે દરેક લોકો મોબાઈલ વાપરીએ છીએ અને હાલ મોબાઈલ અને તેમાં ઈન્ટરનેટ વિના જીવવું શક્ય નથી. એવામાં ભારતમાં ફોનના બિલમાં ટૂંક સમયમાં વધારો આવી શકે છે. ટેલિકોમ કંપનીઓ Airtel, Jio અને Vi જલ્દી જ એમના રિચાર્જ પ્લાનની કિંમતમાં વધારો કરી શકે છે. ટેલિકોમ કંપનીના આ ભાવ વધારાની સામે જ એક એક ટેલિકોમ કંપની છે જેના ઘણા પ્લાન સામાન્ય લોકોના બજેટમાં ફિટ થાય છે.

BSNL દેશની એવી ટેલિકોમ કંપની છે જે તેના ગ્રાહકોને સૌથી સસ્તી રિચાર્જ પ્લાન પ્રદાન કરે છે. કંપની પાસે નાના કે મોટા તમામ પ્રકારના રિચાર્જ પ્લાન છે. યુઝર તેમની જરૂરિયાતો અનુસાર યોજનાઓનો લાભ લઈ શકે છે. આજે અમે તમને BSNLના આવા પ્લાન વિશે જણાવવા જઈ રહ્યા છીએ જેમાં તમને માત્ર 87 રૂપિયા ખર્ચીને દરરોજ 1GB ડેટા મળે છે. 

જો તમે BSNL યુઝર છો અને સસ્તું પ્લાન શોધી રહ્યા છો, તો તમે રૂ.87 નો રિચાર્જ પ્લાન લઈ શકો છો. આ પ્લાનમાં કંપની તમને દરરોજ 1GB ડેટા ઓફર કરે છે. એટલું જ નહીં, ડેટાની સાથે તમે કોઈપણ નેટવર્કમાં અનલિમિટેડ ફ્રી કોલિંગ પણ કરી શકો છો. આમાં તમને દરરોજ 100 SMS મળે છે. 

BSNLના રૂ. 87ના પ્લાનની વેલિડિટી
ડેટા લિમિટ સમાપ્ત થયા પછી, તમે આ પ્લાનમાં 40Kbpsની ઝડપે ઇન્ટરનેટનો લાભ લઈ શકો છો. કંપનીની આ યોજના દેશના તમામ સર્કલ પર સક્રિય છે. આ પ્લાન લેતી વખતે તમારે ખાસ ધ્યાન રાખવું પડશે કે તમને આમાં માત્ર 14 દિવસની વેલિડિટી મળે. જો તમને લાંબી વેલિડિટી સાથેનો પ્લાન જોઈતો હોય, તો તમે બીજો પ્લાન પસંદ કરી શકો છો.